Ushbu hududlarda aholi, ayniqsa, yosh bolalar koʻngil ochish maqsadida konki va chanalarda uchishmoqda. Soʻnggi kunlarda havo harorati anchayin iliqlashgan boʻlsada, koʻllarni qoplagan muzlar erib ketgani yoʻq.
Respublikamiz hududlaridagi koʻllarning muz qoplamalari qalin boʻlmaganligi sababli yorilish ehtimoli yuqori. Bu esa muz ustida uchayotganlar hayoti uchun xavfli hisoblanadi.
Shu munosabat bilan Favqulodda vaziyatlar vazirligi aholiga koʻllar ustidagi muzlarda uchmaslikni tavsiya etadi.
