"Joriy yilning 21-iyun kuni soat 17:30 larda M39 Almati-Toshkent-Termiz xalqaro avtomobil yoʻlining Jizzax viloyati Gʻallaorol tumani hududidan o‘tuvchi 1013-kilometrida harakatlanib ketayotgan "DAF" rusumli yuk avtomashinasi yoʻlning tik nishablik qismidan tushishda tormoz tizimi ishdan chiqishi oqibatida oldindagi "Gaz-53" va “Isuzu” rusumli yuk avtomashinalariga urilib, yo‘l-transport hodisasi sodir etgan. Natijada “Isuzu” haydovchisi avtomobil salonida qisilib qolgan", deya xabar bermoqda Favqulodda vaziyatlar vazirligi Jizzax FVBga tayanib.
Darhol voqea joyiga yetib kelgan viloyat FVB yong‘in-qutqaruv otryadi xodimlari tomonidan maxsus uskunalar yordamida haydovchi qutqarilib, tibbiyot xodimlariga topshirilgan.
Ta'kidlanishicha, hozirda haydovchining ahvoli yaxshi.
