Ular orasida 11 bosh Golshtayn, 16 bosh simmental va 4 bosh aberdin-angus zotiga mansub naslli gʻunajinlar, shuningdek 18 bosh Golshtayn, 6 bosh simmental, 4 bosh aberdin-angus va 1 bosh limuzin zotli naslli buqalar bor.

Qoramollarning bir qismi agentlik huzuridagi Naslchilik ilmiy-ishlab chiqarish markaziga, 26 bosh naslli boʻgʻoz gʻunajin Toshkent viloyatidagi «Farodis xirmoni» fermer xoʻjaligiga, 79 bosh naslli gʻunajin esa Navoiy viloyatidagi «Yangi asr» fermer xoʻjaligiga etkaziladi.

Maʼlum qilinishicha, qoramollar ortilgan havo kemasi ertaga soat 06:00 da Toshkent xalqaro aeroportiga qoʻnadi. Mazkur tashabbus mamlakatda naslchilik salohiyatini oshirish, mahsuldorlikni yuksaltirish va chorvachilik sohasida yuqori genetik salohiyatga ega qoramollar ulushini koʻpaytirishga xizmat qiladi.