Federal Sog‘liqni saqlash vazirligining ta’kidlashicha, joylarda hukumatlar o‘z xohishiga ko‘ra, vaziyatga qarab, qo‘shimcha talablarni kiritishi — masalan, jamoat transporti va restoranlarda niqob, ommaviy tadbirlarda ijtimoiy masofani saqlash kabi choralar qo‘llanilishi mumkin.
Germaniya Sog‘liqni saqlash vazirligi mamlakat yozda epidemiya nuqtai nazaridan nisbatan muvaffaqiyatli omon qolganini ma’lum qildi. Biroq, bir necha hafta oldin, asosan, qariyalar orasida kovid tufayli o‘limning yangi o‘sishi qayd etilgan.
Berlinda ular yangi karantin yoki maktablarda darslarni bekor qilish haqida hech qanday gap yo‘qligini ta’kidlamoqda.
Shu bilan birga, samolyotlarda niqobga bo‘lgan talab hukumat koalisiyasining keskin tanqidiga sabab bo‘ldi: ijtimoiy tarmoqlarda hukumat a’zolarining Kanadaga uchayotgan samolyotidan suratlar tarqalmoqda va ma’lum bo‘lishicha, amaldorlarning o‘zlari niqobsiz uchgan.
Rasmiylar bu harbiy havo kuchlari parvozi ekanligi va niqobdan ko‘ra sertifikat talab qilishni afzal ko‘rishlarini aytishdi.
Germaniyada bir kunda 12 157 ta koronavirus infeksiyasi aniqlangan. Mamlakatda jami 26 886 447 ta holat qayd etilgan.
Germaniyada koronavirus infeksiyasidan vafot etganlarning umumiy soni 140 213 kishini tashkil etadi, bugungi kunda 6 ta o‘lim qayd etilgan.
806 334 kishi kasallikning faol bosqichida, ulardan 631 nafarining ahvoli og‘ir. O‘lim darajasi 0,52 foizni tashkil etmoqda.
