“Ochiq byudjet” portalida “Tashabbusli byudjet” jarayonining 2024-yildagi 2-mavsumi gʻolib loyihalari eʼlon qilindi. Jarayonlarda mamlakatimiz boʻylab 9 mln 81 mingta ovoz berildi.
Bu haqda Iqtisodiyot va moliya vazirligi axborot xizmati maʼlum qildi.
Taʼkidlanishicha, ovoz berish jarayoni yakunlariga koʻra, 2 trln 139 mlrd soʻmlik 1772 ta loyiha gʻolib deb topildi!
“Jarayonlarda ishtirok etgan barcha fuqarolarga minnatdorlik bildirgan holda «Tashabbusli byudjet” loyihasining keyingi mavsumlarida ham faol boʻlishingizni soʻrab qolamiz» deyiladi xabarda.
Gʻolib boʻlgan loyihalar bilan shu yerda tanishish mumkin.
Andijon viloyati Shahrixon tumani Beruniy istirohat bogʻiga 42 metr balandlikdagi Charxpalak oʻyingohi qurish loyihasi tadbirkorlik xususiyatiga ega boʻlishiga qaramay ovoz berish bosqichiga oʻtkazilgan hamda ushbu loyiha eng koʻp ovoz olgan holda gʻolib deb topilgan.
“Tashabbusli byudjet”ning bu yilgi mavsumi 4 bosqichda oʻtkazilishi va gʻolib loyihalarni moliyalashtirish uchun 2 trillion soʻmdan ortiq mablagʻ yoʻnaltirilishi kutilmoqda.
Бугун ҳеч бир иккиланишсиз айтиш мумкинки, давлатимиз раҳбари ташаббуси билан бошланган "Ташаббусли бюджет" лойиҳаси қисқа вақт ичида кенг жамоатчиликнинг бирлашувига сабаб бўлди. Фуқароларнинг молиявий саводхонлиги ошиб, бюджет маблағлари сарфланишида иштирок этишлари учун имкон берадиган давлат ва жамият ўртасидаги ишончли кўприк вазифасини бажарувчи ижтимоий лойиҳага айланиб улгурди.
