Mayya tamadduni miloddan avvalgi 2000-yillarda vujudga kelgan va hozirgi Meksika va Gvatemala janubida, shuningdek, Beliz, Salvador va Gondurasning ba'zi qismlarida miloddan avvalgi 400-900 yillarda o'zining eng yuqori cho'qqisiga chiqqan.
Gvatemalaning shimoliy Peten departamentidagi Uashaktun muhim arxeologik yodgorligidan 21 kilometr uzoqlikda ispanchada “buvilar va bobolar” degan ma'noni anglatuvchi Los-Abuelos shahri topildi. Bu haqda mamlakat Madaniyat vazirligi xabar berdi.
Vayronalar miloddan avvalgi 800-500-yillarga to'g'ri keladi. Arxeologlarning fikriga ko'ra, bu joy Meksika bilan chegara yaqinidagi Peten o'rmonidagi Mayya sivilizatsiyasining “eng qadimgi va eng muhim marosim markazlaridan biri” bo'lgan.
Shahar o'z nomini ushbu joydan topilgan “tug'ilgan juftlik”ning insonga o'xshash ikkita haykalidan oldi.
Vazirlikning ta'kidlashicha, eramizdan avvalgi 500-300-yillarga oid haykallar “ajdodlarga sig'inishning qadimiy marosimlari bilan bog'liq bo'lishi mumkin”.
Taxminan 16 kvadrat kilometr maydonni egallagan shahar gvatemalalik va slovakiyalik arxeologlar tomonidan Uashaktun xiyobonining ilgari kam o'rganilgan hududlarida topilgan. Shuningdek, ular balandligi 33 metr bo'lgan freskalar va “betakror kanallar tizimi”ga ega piramidani ham topishdi, deb xabar beradi gazeta.ru.
