Bu haqda Hindiston koinot tadqiqotlari tashkiloti raisi Shridxara Somanatx ma'lum qildi.

“Mustaqilligimizning 100 yilligini nishonlaganimizda, Oyda Hindiston bayrog'i hilpiraydi. Bizning odamimiz u yerga borib, uni o'rnatib, eson-omon qaytadi. Bu 2040-yilda sodir bo'ladi”, dedi u.

“Koinot dasturi tarixida birinchi marta biz kelgusi 25 yilga mo'ljallangan tasavvurga egamiz”, deb qo'shimcha qildi ISRO rahbari.

Uning so'zlariga ko'ra, ushbu yo'l xaritasi doirasida Hindiston 10 yil ichida o'zining koinot stantsiyasini yaratishni rejalashtirmoqda. Bundan oldin 2028-yilda koinot stansiyasi moduli ishga tushiriladi, uni to'liq tezkor tarzda joylashtirish uchun tuproqni tayyorlaydi.

Avvalroq Hindiston bosh vaziri Narendra Modi respublikaning Koinot tadqiqotlari tashkiloti oldiga 2035-yilgacha Hindistonning birinchi yashashga yaroqli koinot stansiyasini yaratish va 2040-yilgacha Oyga astronavtlarni qo'ndirish vazifasini qo'ygan edi. Modi shuningdek, Veneraga orbital stansiya va Marsga qo'nish modulini uchirish dasturlarini ishlab chiqishga chaqirgan edi, deb xabar beradi report.az.