Sogʻliqni saqlash vazirligi tasarrufidagi 11 ta tibbiyot oliy taʼlim muassasasining:
16 ta bakalavriat yoʻnalishida 39 919 nafar talaba;
53 ta magistratura mutaxassisligida 2 402 nafar talaba;
57 ta klinik ordinatura mutaxassisligida 2 913 nafar klinik ordinator tahsil olmoqda.
Shuningdek, joriy yilda 11 ta tibbiyot oliy taʼlim muassasasini:
bakalavriat taʼlim yoʻnalishlarini 4 174 nafar;
magistratura mutaxassisliklarini 938 nafar;
klinik ordinatura mutaxassisliklarini 1 308 nafar;
respublika ixtisoslashtirilgan ilmiy markazlarni 626 nafar klinik ordinator tamomlagan.
Tibbiy oliy taʼlim muassasalarini jami 7 046 nafar mutaxassis bitirgan.
Maʼlumot uchun, 2021-yilda tibbiy taʼlimdagi kvotalar 2017-yilga nisbatan bir necha barobarga oshirilib, sohada kadrlar tayyorlash koʻlami yanada kengaytirildi. Xususan, bakalavriatdagi oʻrinlar 2 barobarga (3445 tadan 6950 taga) koʻpayib, magistraturada oʻrinlar 2,3 barobarga (718 tadan 1631 taga) yetdi.
Shu bilan birga, ordinaturadagi oʻrinlar 5 barobarga (961 tadan 4972 taga) oshirilib, maqsadli kvota joriy etildi va qabul qilinadigan talabalar 1180 nafardan 1527 nafarga yetkazildi, deya xabar beradi Sogʻliqni saqlash vazirligi matbuot xizmati.
