Bugun, 23-noyabr kuni soat 11:12 da Toshkent shahar M.Ulugʻbek tumani “Olimlar” MFY Shahriobod koʻchasida joylashgan koʻp qavatli binolarning birida yongʻin sodir boʻlayotganligi toʻgʻrisida shahar FVBga xabar kelib tushgan.
Shunga koʻra 3 ta yongʻin-qutqaruv ekipaji soat 11:15 da voqea joyiga yetib borgan va yongʻin soat 11:25 da oʻchirilgan.
Yongʻin natijasida 24 qavatli qurilishi tugallanmagan IT park binosining 21-qavatida taxminan 5 kv.m maydonda penoplast qoldiqlari yongan.
Qoʻshni binolarga zarar yetmagan. Hodisa oqibatida tan jarohati olgan va halok boʻlganlar yoʻq.
Hozirda yongʻinning kelib chiqish sababi va moddiy zarar miqdori aniqlanmoqda.