Uchrashuvda Oʻzbekistonda taʼlim sohasini rivojlantirish boʻyicha hamkorlik masalalari muhokama etildi.
Oʻz navbatida, raqamli texnologiyalar sohasida hamkorlikni rivojlantirish masalalariga ham eʼtibor qaratildi. Oʻzbekistonda IT-taʼlimni rivojlantirishda ushbu taʼlim muassasasi bilan birgalikda ish olib borish muhimligi taʼkidlandi.
Shu bilan birga, AKT vazirligi bilan hamkorlik qilgan holda taʼlim sifatini taʼminlash, korxona va tashkilotlar bilan universitet oʻrtasidagi sheriklik aloqalarini yangi bosqichga olib chiqish boʻyicha takliflar bildirildi.
Uchrashuv soʻngida tomonlarni qiziqtirgan savollarga batafsil javoblar berildi hamda kelgusida oʻzaro manfaatli sherikchilikni yoʻlga qoʻyishga kelishib olindi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.
