Iqlim o'zgarishi umumbashariy muammomi?

Dolzarb 3 iyn 2021, 10:47 1 033

ReOrient Initiative» Yevropa nodavlat tashkilotining taʼsischilaridan biri Daria Sigrid Allussi “Dunyo” AA muxbiriga intervyu berib, davlatimiz rahbarining “Yashil oʻsish va global maqsadlar uchun hamkorlik – 2030” ikkinchi xalqaro sammitidagi nutqida ilgari surilgan tashubbuslar yuzasidan oʻz fikr-mulohazalarini bayon etdi.

- Oʻzbekiston Prezidentining iqlim oʻzgarishi muammosini hal etishga qoʻshayotgan hissasi uchun minnatdormiz, - dedi u. - Haqiqatan ham, iqlim oʻzgarishi umumbashariy muammo, shu bois xalqaro hamjamiyat ekologik toza “yashil” kelajakka erishish boʻyicha zarur choralarni koʻrish uchun birlashishi lozim. Iqlim oʻzgarishi koʻp jihatdan fuqarolarga qaysidir darajada mavhum boʻlib qolayotgan nomaʼlum yirik, oʻlchovi cheksiz tushunchadir. Koʻrinib turibdiki, biz hali barcha nuqtalarni birlashtirishga erishganimiz yoʻq.

“Yashil” siyosatni amalga oshirish oiladagi xulq-atvorimiz, farzandlarimiz, barcha yaqinlarimiz bilan munosabatlarimizdan boshlanadi, deb bilaman. Iqlimni muhofaza qilish boʻyicha xalqaro tuzilmalar doirasida birlashish, bunday yoʻnalishdagi harakatlarni qoʻllab quvvatlash esa “yashil” maqsadlarga erishishni taʼminlashda muhim ahamiyat kasb etadi.