Islom Karimov 1991-yil 31-avgustda Oʻzbekiston mustaqilligini eʼlon qilgan. 1991-yil 29-dekabrda muqobillik asosida oʻtkazilgan umumxalq saylovida Oʻzbekiston Respublikasi Prezidenti etib saylangan.
U xalq dardiga quloq tutdi, tinchlik va osoyishtalikni taʼminladi, koʻp millionli xalqni Vatan taraqqiyoti yoʻlida birlashtirib, islohotlarga safarbar etdi.
Birinchi Prezident Islom Karimov 2016-yil 2-sentyabr kuni ogʻir xastalikdan soʻng 78 yoshida vafot etdi.
Islom Karimov xotirasini abadiylashtirish maqsadida 2017-yil 31-avgust kuni Toshkent shahrida sobiq Oqsaroy qarorgohi oldida uning birinchi haykali tantanali ochilgan.
Shuningdek, Birinchi Prezident haykallari Samarqandda (2017-yil 2-sentyabr), Qarshida (2018-yil 30-yanvar) hamda Moskvada (2018-yil 18-oktyabr) ochilgan.
Bundan tashqari, Toshkent davlat texnika universiteti, Toshkent xalqaro aeroportiga, Fargʻonadagi sanʼat saroyi, Asakadagi avtomobil zavodiga hamda bir qator koʻchalarga Islom Karimov nomi berilgan.
