Falastin markaziy statistika byurosi mamlakatda 5-aprelda Bolalarni himoya qilish kuni (Falastin bolalari kuni) yaqinlashayotgani munosabati bilan G'azo sektoridagi bolalarning ahvoli haqida bayonot berdi.

Bayonotga ko'ra, G'azo sektori zamonaviy tarixida eng katta inqirozni boshdan kechirmoqda, G'azo sektorida 534 kundan beri davom etayotgan genotsid oqibatida 39 384 nafar bola ota-onasidan biri yoki ikkalasidan ham ayrildi.

Qolaversa, bolalarning 17 mingga yaqini ota-onasidan ayrilgan. Ota-onasidan ayrilgan bolalar hech qanday qo'llab-quvvatlash va g'amxo'rliksiz og'ir hayot sharoitlariga duchor bo'lishadi va ayanchli sharoitlarda qolishadi. Ularning ko'pchiligi deyarli hech qanday ijtimoiy yordam va ruhiy yordamga ega bo'lmagan holda vayrona chodirlarda yoki vayron bo'lgan uylarda boshpana topishga majbur.

Ertangi kunga ishonch va to'g'ri yo'l-yo'riqdan mahrum bo'lgan falastinlik bolalar chuqur ruhiy iztirob, jumladan qayg'u, chuqur g'am-g'ussa, yolg'izlik va surunkali qo'rquvdan aziyat chekmoqda.

G'azo sektoridagi bolalar nafaqat kundalik qiyinchiliklarga, balki ochlik va to'yib ovqatlanmaslikka ham duch kelishmoqda. O'tkir to'yib ovqatlanmaslik holatlari soni 60 mingdan oshdi. Bundan tashqari, eksklavda poliomielit epidemiyasining qayta tiklangani qayd etildi, deb xabar beradi aa.com.tr.