Kecha Pragada oʻtgan Yevropa Konfederatsiyalar ligasi finalida Italiyaning “Fiorentina” va Angliyaning “Vest Hem” klublari bahslashishdi.
Qizgʻin kurashlar ostida oʻtgan uchrashuvda londonliklar 2:1 hisobida gʻalabaga erishib, Konfederatsiyalar ligasi gʻolibi boʻldi.
Esingizda boʻlsa, Yevropa ligasi finalida ham Italiya klubi ishtirok etib, kuboksiz qolgandi. “Roma” Ispaniyaning “Sevilya”siga yutqazgandi.
Italiyaning yana bir jamoasi – “Inter” Yevropa Chempionlar ligasi finalida “Manchester Siti”ga qarshi maydonga tushadi. Xoʻsh, Italiya klubiga bu safar omad kulib boqadimi? Bunga savolga javobni 11-iyun kuni Istambuda boʻlib oʻtadigan bahsdan soʻng olamiz.
