Yigʻilish chogʻida ITB 2020-yildagi amaliy va moliyaviy faoliyati toʻgʻrisidagi hisobotlar koʻrib chiqildi, ITB, “AWQAF” Koʻchmas mulk investitsiya jamgʻarmasi, “Vaqf” Butunjahon jamgʻarmasi hamda Fan, texnologiya va innovatsiyalarni transformatsiyalash Jamgʻarmalarining smetalari boʻyicha hisobotlar tasdiqlandi va tashqi auditorlar tayinlandi. Shuningdek, 2021-2022-yillarga Qoʻmita raisi va uning ikki nafar oʻrinbosarlari saylandi, 2022-yilda Boshqaruvchilar Kengashining 47-Yillik anjumanini oʻtkazish uchun Tartib-taomillar boʻyicha qoʻmitasining tarkibi belgilandi, deb xabar beradi Investitsiyalar va tashqi savdo vazirligi matbuot xizmati.