Joriy yil Yevropa va Markaziy Osiyo mintaqasidagi rivojlanayotgan iqtisodiyotlarning 3,6 foizga oʻsishi kutilmoqda, chunki eksportning tiklanishi va sanoat tovarlariga narxlarning barqarorlashuvi 2020-yil oxirida boshlangan pandemiyaning navbatdagi toʻlqini va yaqinda yangi koronavirus holatlari koʻpayganligining taʼsirini yumshatadi, deyiladi xabarda.
Shu bilan birga, Markaziy Osiyoda iqtisodiy oʻsish 2021-yilda 3,7 foizga va 2022-yilda 4,1 foizgacha tiklanishi kutilmoqda. Bu tarixiy oʻrtacha koʻrsatkichlardan ancha past. Shu bilan birga, 2022-yilga kelib aholi jon boshiga daromad hajmi pandemiyadan oldin eʼlon qilingan prognozlardan 6,4 foizga past boʻlishi kutilmoqda.
Oʻzbekistonda pandemiyaning ogʻir ijtimoiy-iqtisodiy oqibatlariga qaramasdan, 2020-yilda amalga oshirilishda davom etgan islohotlar dasturi tufayli iqtisodiy oʻsish mustahkamlanib boradi.
Jahon banki tahlillariga koʻra, mamlakatda YAIMning oʻsishi 2021-yilda 4,8 foizgacha tiklanishiga erishiladi. Biroq oʻsish koʻrsatkichlariga jahon iqtisodiyotining tiklanish surʼati va aholini SOVID-19ga qarshi milliy emlash kampaniyasining natijalari oʻz taʼsirini oʻtkazishi mumkin, deb xabar beradi “Dunyo” AA.
