Bu haqda Janubiy Koreya bosh vaziri devonida xabar berildi.

“Hukumat tashqi siyosat va xavfsizlik siyosatini davom ettiradi, AQSh bilan ittifoqni ikkilanmasdan qo'llab-quvvatlashda davom etadi va uni rivojlantirish uchun sa'y-harakatlarni amalga oshiradi”, deb ta'kidladi Xan Dok Su. “Hozir Shimoliy Koreyadan tahdid kuchayib borayotgan, Rossiya Federatsiyasi va Shimol o'rtasidagi hamkorlik jiddiylashib borayotgan bir sharoitda ittifoqning mudofaa qobiliyatini saqlab qolish har qachongidan ham muhim ekani qayd etildi”, deya Xan Dok Suning so'zlaridan iqtibos keltirdi rasmiylar.

AQSh prezidenti Xan Dok Suga qo'ng'iroq uchun minnatdorchilik bildirdi va Koreya Respublikasida demokratiya barqarorligini yuqori baholadi. U AQSh o'z ittifoqchisini himoya qilishga tayyorligiga ishontirib, Seul bilan ikki tomonlama ittifoq, AQSh, Koreya Respublikasi va Yaponiya o'rtasidagi uch tomonlama hamkorlikni mustahkamlashga va'da berdi.

14-dekabr kuni Koreya Respublikasi parlamenti harbiy holat joriy etilgani sababli prezident Yun Sok Yolga impichment e'lon qilish uchun ovoz berdi. Uning vakolatlari Konstitutsiyaviy sudning deputatlarni qo'llab-quvvatlashi yoki uni lavozimga qayta tiklashi mumkin bo'lgan qaroriga qadar to'xtatildi, deb xabar beradi tass.ru.