Oʻtkazilgan nazorat tadbirida Jizzax shahri “A.Navoiy” MFYda joylashgan “V.” tashkiloti binosida gaz taʼminoti tashkiloti bilan shartnoma tuzmasdan tarmoqqa ulanib, tabiiy gazdan noqonuniy foydalanib kelinganligi aniqlandi.
Ushbu qoidabuzarlik natijasida dastlabki hisob-kitoblarga koʻra gaz taʼminoti korxonasiga 247,7 million soʻmlik zarar yetkazganligi maʼlum boʻldi.
Bu kabi holat Jizzax shahridagi “Olmazor” MFY binosida ham kuzatilib, gaz tarmogʻiga hisoblagichsiz toʻgʻridan toʻgʻri ulanib, 198,5 mln soʻmlik tabiiy gazdan noqonuniy foydalanilganligi aniqlandi.
Hozirda yuqoridagi holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.
