Tahlillarga ko‘ra, bugunga qadar jami 192 ta shunday holat aniqlangan. Eng ko‘p qoida buzarlik Toshkent shahri va Xorazm viloyatida qayd etilgan — mos ravishda 40 va 60 ta holat. Shuningdek, Qashqadaryo viloyatida 20 ta, Toshkent viloyatida 14 ta, Jizzax viloyatida 13 ta holat aniqlangan.

Qonunbuzarliklar uchun jiddiy jazolar qo‘llanmoqda. Xususan, 32 nafar fuqaroga nisbatan ma’muriy bayonnoma rasmiylashtirilib, 20 million 600 ming so‘m jarima belgilangan. Yana 31 holatda esa 2 million 60 ming so‘m miqdorida jarima qo‘llangan.

Mutaxassislar ta’kidlashicha, agar haydovchilik huquqidan mahrum etilgan shaxs qaytadan rulga o‘tirse va bu holat takrorlansa, u holda masala jinoyiy javobgarlikkacha etib borishi mumkin. Bunda katta miqdorda jarima, majburiy mehnat yoki hatto ozodlikdan mahrum qilish jazosi ham belgilanishi ehtimoldan holi emas.

Fuqarolardan qonun talablariga qat’iy rioya qilish so‘ralmoqda. Haydovchilik huquqidan mahrum etilgan shaxslar belgilangan muddat tugagach, qayta o‘qish va imtihonlardan o‘tib, guvohnomani rasman tiklaganidan keyingina transport boshqarishi lozim.

Yo‘llardagi kameralar esa qoida buzarliklarni «kechirmaydi» — har bir harakat nazoratda.