“Transport haftaligi – 2024” doirasida Oʻzbekiston Respublikasi Transport vaziri Ilhom Mahkamov hamda Rossiya Federatsiyasi transport vaziri Roman Starovoyt oʻrtasida ikki tomonlama uchrashuv boʻlib oʻtdi.
Tomonlar oʻzaro hamkorlikda temir yoʻl infratuzilma loyihalarini amalga oshirish, shuningdek, Kaspiy dengizi orqali yangi yoʻnalishlardan foydalanish masalalarini muhokama qilishdi, deyiladi Oʻzbekiston Respublikasi Transport vazirligi maʼlumotida.
Uchrashuv yakunida vazirliklar oʻrtasida temir yoʻl infratuzilmasini qurish boʻyicha hamkorlikni tashkil etish yuzasidan oʻzaro anglashuv memorandumi imzolandi.
