Qonunchilikka ko'ra, soliq to'lovchilarga soliqlarni to'lashni kechiktirish yoki bo'lib-bo'lib to'lash imkoniyati beriladi.
Bunday imkoniyatdan quyidagi asoslardan bittasi mavjud bo'lganda foydalanish mumkin:
- soliq to'lovchiga tabiiy ofat, texnologik falokat yoki boshqa bartaraf etib bo'lmaydigan holatlar natijasida zarar yetkazilganligi;
- soliq to'lovchini byudjetdan moliyalashtirish kechiktirilganligi yoki davlat ehtiyoji uchun bajarilgan ishlar haqini to'lash kechiktirilganligi;
- soliqni bir yo'la to'lash natijasida uning bankrotligi alomatlari paydo bo'lishi xavfi yuzaga kelganligi;
- faoliyatini 3 yildan ko'p davrdan buyon amalga oshirayotganligi hamda hisoblangan soliqlarni o'z vaqtida to'lab kelganligi, ammo moliyaviy ahvoliga ko'ra soliq qarzini belgilangan muddatlarda to'lash imkoniyati ega bo'lmaganligi;
- tadbirkorlar soliq to'lashni kechiktirish to'g'risidagi xabarnomani yer, binolar va inshootlarga bo'lgan mulk huquqi davlat ro'yxatidan o'tkazilgandan 3 oyda soliq organlariga yuborgan bo'lsa;
- jismoniy shaxsning mulkiy holati soliqni bir yo'la to'lash imkoniyatini istisno etishi;
- tovarlar yoki xizmatlarni ishlab chiqarish va realizatsiya qilish mavsumiy xususiyatga ega ekanligi;
- O'zbekistonning bojxona chegarasi orqali tovarlar olib o'tilishi munosabati bilan bojxona to'g'risidagi qonunchilikda belgilangan to'lanishi lozim bo'lgan soliqlarni to'lashni kechiktirish yoki bo'lib-bo'lib to'lash imkoniyatini berish uchun asoslar mavjud ekanligi.
