Umuman, haydovchilik guvohnomasini oʻqimasdan olish oddiy holga aylanib qoldi, dedi Prezident. — Shuning uchun, avariyalar soni soat sayin oshib bormoqda. Biz oʻqiganimizda 3 yil haydovchilikka oʻqitgan. Hozir darsga bormay pul berib guvohnoma olyapti. Nimaga? Oʻzbekistonda qonun yoʻqmi?
Shavkat Mirziyoyev bu muammoni bartaraf qilish uchun avvalo oʻqitish tizimini tubdan takomillashtirish, ikkinchidan, oʻqitmasdan va oʻrgatmasdan guvohnoma berish “jinoyati”ga qarshi jazoni kuchaytirish boʻyicha bir oy muddatda qonunchilikka qoʻshimcha kiritish yuzasidan taklif kiritish boʻyicha mutasaddilarga topshiriq berdi.