Koreya markaziy axborot agentligi mamlakat rahbari Kim Chen In o'z qizi bilan ko'zdan kechirgan yangi kurort suratlarini e'lon qildi.

Yangi sayyohlik shaharchasi besh kilometrlik plyaj bo'ylab 2,5 km² maydonda joylashgan bo'lib, 150 ta bino, jumladan 54 mehmonxona, shuningdek, do'konlar, restoranlar, akvapark, kinoteatr, stadion va aerodromni o'z ichiga oladi. Loyiha Kim va uning amaldorlari uchun prototip bo'lib xizmat qilgan mashhur ispan kurorti nomi bilan “Shimoliy Koreya Benidorm” deb nomlangan.

E'lon qilingan kadrlarga qaraganda, majmua turli talablarni inobatga oladi. Kichkina byudjetli binolar bilan bir qatorda VIP-kottejlar va zallarda oq royallar, basseynlari va hovuzlar bilan jihozlangan ko'p qavatli binolar mavjud. Vonsan-Kalma bir vaqtning o'zida 100 000 tagacha mehmonni qabul qila olishi kutilmoqda.

Dam olish maskanining salbiy tomoni shundaki, unga yaqin joyda ballistik qurollar sinovdan o'tkaziladigan raketa poligonini mavjud.

Kim Chen In boshqa loyihalar bilan birga Vonsan-Kalma iqtisodiyot va aholi turmush darajasini oshirishga, shuningdek, “mamlakat qiyofasini butunlay o'zgartirishga” yordam berishiga umid qilmoqda.

Avvalo, yangi kurort rossiyaliklarni kutmoqda, deb yozadi The Moscow Times. O'tgan yili Shimoliy Koreyaning davlat sayyohlik agentligi Korean International Travel Company ular uchun maxsus mahalliy plyajlar aks ettirilgan videorolikni chiqardi.

Kim Vonsan-Kalma qurilishini “milliy turizm industriyasini davr taraqqiyoti traektoriyasiga kiritishda katta ahamiyatga ega bo'lgan birinchi katta qadam” deb atadi. Shimoliy Koreya rahbarining ushbu sohaga e'tibori turizmning Shimoliy Koreyaning raketa-yadroviy dasturi tufayli BMT tomonidan joriy qilingan sanktsiyalarga duchor bo'lmasligi va undan chet el valyutasining kirib kelishi mumkinligi bilan bog'liq, deb xabar beradi korrespondent.net.