Markaziy bank tarqatgan ma’lumotlarga ko‘ra, ushbu ko‘rsatkich 2025 yilning mos davridagi 551,4 milliard so‘mga nisbatan qarib 42 foizga oshgan.

Shuningdek, lombardlar tomonidan ajratilgan kreditlar hajmi ham o‘sish qayd etgan. Xususan, 2025 yildagi 451,5 milliard so‘mdan 2026 yil 1 aprel holatiga 663,6 milliard so‘mga etgan. Bu esa kreditlash yo‘nalishi lombardlar faoliyatining asosiy segmenti bo‘lib qolayotganini ko‘rsatmoqda.

Jami kapital hajmi 459,8 milliard so‘mdan 625,5 milliard so‘mgacha o‘sib, 36 foizlik o‘sish qayd etilgan. Mutaxassislar fikricha, ustav kapitalining oshishi lombardlar faoliyati o‘z mablag‘lari hisobidan ham kengayib borayotganini anglatadi.

Bundan tashqari, majburiyatlar hajmi 91,6 milliard so‘mdan 159,2 milliard so‘mga etgan bo‘lib, bu 74 foizlik o‘sishni tashkil etgan. Qayd etilishicha, majburiyatlarning asosiy qismi kreditlar va qarzlar hissasiga to‘g‘ri kelmoqda.