Ushbu talabalar AQSH, Polsha, Xitoy va Tailand fuqarolari boʻlib, Oʻzbekistonda turizm sohasini rivojlantirish, xususan, yoshlar turizmini rivojlantirishda amalga oshirilayotgan chora-tadbirlarga qiziqish bildirdi.
Uchrashuv davomida xalqaro maydonda turizm sohasida uchrayotgan muammo va kamchiliklar borasida fikrlar almashildi. Hozirgi kunda turizm sohasi rivojlangan mamlakatlarda turistlar oqimi koʻpligi va ularning tarixiy-madaniy obidalarga va ekologiyaga zarari toʻgʻrisida maʼlumotlarga ahamiyat berilib, bu borada Oʻzbekistonda olib borilayotgan turizm siyosatiga alohida eʼtibor qaratildi.
Talabalarning Oʻzbekistonda turizm sohasini rivojlantirishga boʻlgan qiziqishlarini inobatga olgan vazirlik maʼmuriyati tomonidan ularga “Oʻzbekistonning yoshlar turizm elchilari” maqomi berish taklifi berildi, deb xabar beradi Turizm va madaniy meros vazirligi matbuot xizmati.