Samarqandda ochilgan ushbu muzeyda Turkistonda jadidchilik harakati yetakchisi Mahmudxoʻja Behbudiy ijodi va hayoti toʻgʻrisidagi maʼlumotlar, oʻsha davr madaniyati, maʼrifati, ilm-fan rivojiga hissa qoʻshgan bir qancha maʼrifatparvar olimlarning fotosuratlari, ilmiy asarlari mavjud.

Shuningdek, XX asr boshlariga tegishli noshirlik dastgohi, gazeta va jurnallar nusxalari, ilmiy arxiv hujjatlari va nodir muzey ashyolari oʻrin olgan.

“Bu binoda ”Samarqand“ gazetasi, ”Oyna“ jurnali chop etilgan, - deydi SamDCHTI oʻqituvchisi Dilafroʻz Rahmatova. - Shuningdek, ʻPadarkushʻ dramasi ham ilk bor shu bino hovlisida sahnalashtirilgan”.