Nazorat qiluvchi organ maʼlumotlariga koʻra, Marseldagi favqulodda vaziyatdan deyarli toʻrt kun oʻtib, qutqaruvchilar Marselda bedarak yoʻqolgan yana ikki kishining jasadini topdi. Hozirgacha binoning qulashi oqibatida halok boʻlgan sakkiz kishining shaxsi aniqlangan.
Huquq-tartibot idoralari hamon uyning qulab tushishiga gazning sizib chiqishi oqibatida yongʻin va portlash sabab boʻlgan, deb hisoblashmoqda.
Marselda 9-aprelga oʻtar kechasi toʻrt qavatli uy qulab tushdi. Qoʻshni bino qisman qulab tushgan. Yaqin atrofdagi 40 ta binodan hammasi boʻlib 200 ga yaqin odam evakuatsiya qilindi, deb xabar beradi mir24.tv.
