Meksikaning Idalgo shtatidagi Sierra-Alto mintaqasida yo‘l qurilish ishlari davomida doispan davriga oid piramida poydevori topildi. Bu haqda Newsweek nashri Milliy antropologiya va tarix instituti (INAH) vakillariga tayanib xabar berdi.
Topilma 2024 yilning iyun oyida, Meksikaning 105-sonli federal yo‘lida yangi avtomobil yo‘lini qurish jarayonida aniqlangan. U, INAH arxeologik yodgorliklar reyestrida ro‘yxatga olingan San-Miguel nomli doispan davriga oid aholi manzilining bir qismi hisoblanadi.
Piramida poydevori beshta sektor va kamida o‘nta arxeologik tepalikdan iborat. Ushbu obyekt yevropalik mustamlakachilar mintaqaga kirib kelgan 16-asr boshlariga qadar qurilgan. Tadqiqotlar tugagach, piramida poydevori yopilib, uni buzilishdan saqlash uchun ustiga himoya qilish maqsadida maxsus geotekstildan materiallar bilan qoplangan.
