Endilikda fuqarolar “Telegram” ijtimoiy tarmog'i orqali vazirlik tomonidan ishlab chiqilgan rasmiy “Openbudgetuz” maxsus botini aktivlashtirish orqali ro'yxatdan istalgan hududni (viloyat/shahar) va tuman yoki shahar tanlash orqali barcha loyihalar ro'yxati bilan tanishish va shu bilan birga istalgan loyihalarga ovoz berish imkoniyatiga ega bo'lishadi.
2023 yil 9 fevral holatiga Fuqarolar tashabbusi jamg'armalarida 899 mlrd so'm mablag' shakllangan.
Umuman olganda jamoatchilik tomonidan bildirilgan takliflarni moliyalashtirish uchun 2023 yilda byudjetdan jami 8 trln so'm mablag'lar yo'naltirilishi mo'ljallangan. Shundan:
— “Tashabbusli byudjet” jarayonlari uchun 2 trln so'm;
— “Mening yo'lim” loyihasi doirasida 320 mlrd so'm;
— “Obod qishloq” va “Obod mahalla” dasturlarini jamoatchilik fikri asosida shakllantirish uchun 4 trln so'm ajratish rejalashtirilgan.
