Hukmron “Gruziya orzusi” partiyasidan nomzod Mixail Kavelashvili Gruziya prezidenti etib saylandi, dedi Markaziy saylov komissiyasi raisi Giorgiy Kalandarishvili.
“Mixail Kavelashvili Gruziya prezidenti etib saylandi”, dedi u.
Unga ko'ra, siyosatchi 300 ta ovozdan 224 tasini qo'lga kiritdi. Prezidentlikka saylanish uchun kamida 200 ta ovoz olish kerak edi.
Shanba kuni Gruziyada prezidentlik saylovlari bo'lib o'tdi. Prezident saylangan parlament binosidagi yig'ilishda muxolifat ishtirok etmadi. Ayni paytda ko'chada mamlakat hukumati muxoliflarining navbatdagi norozilik namoyishi bo'lib o'tmoqda, deb xabar beradi ria.ru.
Gruziya muxolifatining mamlakatda inqilob uyushtirishga bo'lgan to'rtinchi urinishi barbod bo'ldi. Bu haqda bosh vazir Irakliy Kobaxidze bayonot berdi.
Oxirgi kunlarda Tbilisida namoyishchilarning harakatlari tufayli 100 nafardan ortiq, jumladan, o'tgan tunda 20 nafardan ortiq huquq-tartibot idoralari xodimlari jarohat oldi.
Agar muxolifat kuzgi saylovlarda g'alaba qozonsa, Gruziya bir necha kun ichida “ikkinchi front”ga aylanadi, dedi bosh vazir Irakliy Kobaxidze “Rustavi 2” telekanaliga bergan intervyusida.
