Tomonlar ikki davlat Prezidentlarining 2022-yil sentabr oyida boʻlib oʻtgan uchrashuvi yakunlari boʻyicha erishilgan kelishuvlarning ijrosi yuzasidan fikr almashdilar.

Oʻzaro hamkorlikning shartnomaviy-huquqiy asoslarini kengaytirish, TIVlararo maslahatlashuvlarning navbatdagi davrasini oʻtkazish, savdo aylanmasini diversifikatsiya qilish va qoʻshma hamkorlik loyihalarini amalga oshirish boʻyicha takliflar muhokama qilindi.

Qishloq xoʻjaligi sohasida hamkorlik boʻyicha Oʻzbekiston-Moʻgʻuliston ishchi guruhi va Ishbilarmonlar kengashini tashkil etish masalalarini oʻrganish boʻyicha kelishuvga erishildi.

Shuningdek, TIV rahbari Baxtiyor Saidov oʻzining tedegram kanalida quyidagi fikrlarni qoldirdi:

• “Moʻgʻuliston tashqi ishlar vaziri Batmunx Battsetseg Xonim Oliyalarini Toshkentda kutib olib, Xalqaro xotin-qizlar kuni bilan tabrikladik. Moʻgʻulistonning Oʻzbekistonda elchixonasini ochish qarorini olqishlaymiz. Soʻnggi yillarda 🇺🇿🇲🇳 ikki tomonlama aloqalar istisnosiz barcha sohalarda ijobiy surʼat koʻrsatmoqda.”