Bosh prokuraturaning xabar berishicha, oʻtkazilgan nazorat tadbirlarida Namangan viloyati Toʻraqoʻrgʻon tumanidagi “A.A.S.B” oilaviy korxonasi rahbari A.A. oʻziga qarashli umumiy ovqatlanish shoxobchasida tarmoqqa oʻzboshimchalik bilan ulanishi oqibatida 580 mln. soʻmlik tabiiy gaz va 36 mln. soʻmlik elektr energiyasini talon-toroj qilgani aniqlangan.

Holat boʻyicha A.A.ga nisbatan Jinoyat kodeksining 169-moddasi 4-qismi “a” bandi bilan jinoyat ishi qoʻzgʻatilib, u protsessual tartibda ushlangan.