«Sichuan provinsiyasi Kommunistik partiya qoʻmitasi kotibi Van Syaoxuey janoblari bilan uchrashishdan xursandmiz, – deb yozdi Oʻzbekiston TIV rahbari oʻzining telegram-kanalida. – Oʻzbekiston va Xitoy hududlari oʻrtasidagi toʻgʻridan-toʻgʻri sheriklik aloqalari rivojlanayotgani ikki Davlat Rahbarlari tomonidan belgilangan yuqori marralarga erishishda yuksak samara koʻrsatmoqda. Bugun biz Navoiy shahrida Navoiy — Sichuan sanoat parkini tashkil etishga kelishib oldik. Ishbilarmon doiralar oʻrtasidagi yanada qizgʻin va muntazam aloqalarni qoʻllab-quvvatlash, kompaniyalarning bozorlarimizda faoliyat yuritishi uchun eng qulay shart-sharoitlarni yaratish, doimiy almashinuvni taʼminlash, yangi istiqbolli qoʻshma loyihalarni amalga oshirish kabi mavzular kun tartibimizdan joy oldi«.