Dushanba kuni Kathmandu Post nashrining xabar berishicha, Nepal poytaxti Katmanduda politsiya va namoyishchilar o'rtasidagi to'qnashuvda kamida olti kishi halok bo'lgan va o'nlab odamlar yaralangan. Kathmandu Post nashrining yozishicha, namoyishchilar Nepal parlamenti binosiga kirganidan keyin vaziyat keskinlashgan. Bunga javoban huquq-tartibot idoralari xodimlari suv purkagichlari, ko'zdan yosh oqizuvchi gaz va o'q-dorilardan foydalangan. Bundan tashqari, poytaxt hokimiyati shaharning bir qancha hududlarida komendantlik soati joriy qildi. “Dushanba kuni soat 16:00 holatiga ko'ra, Nyu-Baneshvar hududida norozilik namoyishi chog'ida... politsiyaning o'qqa tutishi oqibatida 14 kishi halok bo'ldi”, deb yozdi nashr.
Shifoxona 80 dan ortiq odam jarohatlanganini va ularga tibbiy yordam ko'rsatilayotganini tasdiqladi, kamida 14 nafarining ahvoli og'ir.
4-sentabr kuni Kathmandu Post gazetasi Nepal rasmiylari belgilangan muddatda Aloqa va axborot texnologiyalari vazirligida ro'yxatdan o'tmagan bir qancha yirik ijtimoiy media platformalarini taqiqlagani haqida xabar berdi. Meta, Alphabet (YouTube), X (oldingi Twitter), Reddit va LinkedIn platformalar taqiqlandi. Parlamentdagi asosiy muxolifat partiyasi Kommunistik partiyasining katta partiya tashkilotchisi Xit Raj Pandi bu qarorni nomaqbul deb atadi va ijtimoiy tarmoqlarni yopish mamlakatda tartibsizlikka olib kelishi mumkinligidan ogohlantirdi, deb xabar berdi ria.ru.
