Nodirbek Abdusattorov Rustam Qosimjonovni mag‘lub etdi

Sport 14 avg 2021, 15:02 2 863

Toshkentda mass-media fondi, “Zakovat” NNT, Yoshlar ishlari agentligi va Sky Chess shaxmat maktabi hamkorligida tashkil etilgan tezkor shaxmat bo‘yicha “Zakovat Gambit” musobaqasi final bosqichining birinchi kungi bahslari nihoyasiga yetdi.

5 ta guruh orsida eng kuchli tarkibga ega A guruhida Nodirbek Abdusattorov 100 foiz natija bilan peshqadam boʻlib turibdi. U, jumladan 2-turda qora donalarda oʻynab shaxmatimiz afsonasi, oʻn yettinchi jahon chempioni Rustam Qosimjonovni ham magʻlub etdi, deb xabar bermoqda “Marifat.uz”.
5-turdan keyingi vaziyat:

1. Nodirbek Abdusattorov – 5 ochko.

2. Rustam Qosimjonov – 3,5.

3. Ortiq Nig‘matov – 3.

4. Javohir Sindorov – 3.

5. Shamsiddin Vohidov – 3.

6. Nodirbek Yoqubboyev – 3.

7. Jahongir Vohidov – 2,5.

8. Temur Gareyev – 1.

9. Saidali Yo‘ldoshev – 0,5.

10. Bobur Sattorov – 0,5.

Musobaqa ertaga yakuniga yetadi.