Bu haqda Israel Hayom gazetasi manbaga tayanib xabar berdi.
Ma'lumotlarga ko'ra, rejada kuniga 2,5 ming kishigacha “uyushgan holda jo'nab ketish” ko'zda tutilgan.
Nashr ta'kidlaganidek, hozirda gap ikki yo'nalish – havo va dengiz haqida ketmoqda. Birinchi holda, ularni o'tkazish Isroil janubidagi Eylat shahri yaqinidagi Ramon aeroporti orqali, ikkinchisida – G'azo sektori bilan chegaradan 25 kilometr shimolda joylashgan O'rta yer dengizi bo'yidagi Ashdod shahri bandargohi orqali amalga oshiriladi.
Ushbu tayyorgarlik choralari AQSh Prezidenti Donald Trampning keng ko'lamli qurilish ishlarini amalga oshirish uchun G'azo aholisini ko'chirish taklifiga asoslanadi.
“Iloji boricha ko'proq odamning ketishiga imkon berish biz uchun manfaatli. Isroil qo'llab-quvvatlagan Tramp rejasining mohiyati shundan iborat. Biz uni amalga oshirishga harakat qilmoqdamiz”, dedi xavfsizlik manbasi.
Falastin anklavida yashovchilar qaysi davlatlarga borishi hozircha aniq emas. Israel Hayomga ko'ra, kamida bir davlat allaqachon falastinliklarni qabul qilish istagini bildirgan, biroq anklav atrofidagi xalqaro shov-shuv tufayli hali bu tashabbus oldinga siljimayapti, deb xabar beradi report.az.
