Polshada bo'lib o'tgan prezidentlik saylovlarida muxolifatdagi “Qonun va adolat” partiyasi nomzodi Karol Navrotskiy 50,9 foiz ovoz bilan g'alaba qozondi, deb xabar bermoqda Polsha televideniyesi barcha byulletenlar qayta sanalganidan so'ng davlat saylov komissiyasi ma'lumotlariga tayanib.

Hukmron fuqarolik koalitsiyasi nomzodi Rafal Tshaskovskiy 49,1 foiz ovoz to'pladi.

Ovoz berishning ikkinchi bosqichining rasmiy natijalari yaqin soatlarda e'lon qilinishi kutilmoqda.

Saylov komissiyasiga ko'ra, Navrotskiy 10 606 628 ta ovoz to'plagan va 15 voevodstvodan oltitasida, asosan, sharqiy Polshada g'alaba qozongan. Tshaskovskiy 10 237 177 ovoz oldi va mamlakatning butun g'arbiy va markaziy qismlarining qo'llab-quvvatlashiga erishdi.

Saylovchilarning 71,63 foizi ishtirok etdi. 18-may kuni bo'lib o'tgan prezidentlik saylovlarining birinchi bosqichida Tshaskovskiy 31,36 foiz, Navrotskiy esa 29,54 foiz ovoz olgan edi, deb xabar beradi ria.ru.