Ohangaron shoh koʻchasida yer usti piyodalar oʻtish yoʻlaklari qurilishi boshlandi. Bu haqda Yashnobod tumani hokimligi xabar berdi.
Qayd etilishicha, Toshkent halqa avtomobil yoʻlining 42–47 km qismida 4 ta zamonaviy yer usti piyodalar oʻtish yoʻlaklari qurilishi rejalashtirilgan.
Ushbu inshootlar aholining xavfsiz yurib oʻtishini taʼminlaydi, transport oqimini yaxshilaydi va yoʻl-transport hodisalarining oldini olishga xizmat qiladi, shu bilan birga qurilish ishlari doirasida yoʻl boʻyida joylashgan ayrim sogʻlom boʻlmagan daraxtlar, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Toshkent shahar boshqarmasining tegishli ruhsatnomasi va nazorati ostida boshqa joyga koʻchrilishi va oʻrniga yangi daraxtlar, koʻchatlar ekilmoqda.
