Bosh suyagi Xeyluntszyan daryosi yaqinida topilgan, daryoning nomi “Qora ajdaho daryosi” degan ma'noni anglatadi. Shuning uchun gominid norasmiy ravishda “ajdaho odam” deb nomlandi.
Qoldiqlar 1933-yilda ko'prik qurilishi paytida topilgan. Biroq, olimlar faqat 2021-yilda bosh suyagi Homoning ilgari noma'lum turi vakiliga tegishli ekanligini aniqlashdi.
Homo longi anatomik jihatdan zamonaviy odamlarga o'xshamagan. Mazkur odamlarning boshi va tishlari yirik bo'lgan. Biroq, olimlar uni neandertallarga qaraganda Homo sapiensga yaqinroq deb hisoblashadi.
Tajribalar davomida braziliyalik mutaxassis Sisero Moraes birinchi marta “ajdaho odam” qiyofasini tikladi. U 2021-yilgi tadqiqot ma'lumotlari asosida bosh suyagining raqamli modelini ishlab chiqdi, deb xabar beradi mir24.tv.
