Tadqiqot natijalari Chaos ilmiy jurnalida chop etildi.

Mutaxassislar zilzilalar, Quyosh faolligi va Yer yuzasi harorati haqidagi ma'lumotlarni tahlil qilish uchun matematik va hisoblash usullaridan foydalanishdi. Ular Yer yuzasi harorati ma'lumotlarini modellarga kiritish prognozning aniqligi, ayniqsa chuqur bo'lmagan hududda yuzaga keladigan zilzilalar uchun yaxshilanganligini aniqlashdi.

Quyosh faolligi tufayli sayyora yuzasi haroratining o'zgarishi tog' jinslarining xususiyatlariga ta'sir qilishi mumkin, bu ularni yanada mo'rt va yorilishga moyil qiladi. Bu jarayonlar yer osti suvining harakatini ham o'zgartirishi mumkin, bu esa o'z navbatida tektonik plitalar chegaralaridagi bosimni o'zgartirishi mumkin.

Tadqiqot shuni ko'rsatdiki, Quyosh issiqligining Yer yuzasiga o'tishi haqiqatan ham seysmik faollikka ozgina bo'lsa-da ta'sir qilishi mumkin.

Kashfiyot mualliflarining fikricha, Quyosh faolligi prognozlarini Yerdagi harorat modellariga kiritish zilzilalarni bashorat qilishni takomillashtirishda muhim vositaga aylanishi mumkin, deb xabar beradi report.az.