Germaniya saraton tadqiqotlari markazi (DKFZ) ma’lumotlariga ko‘ra, mamlakatda 20-39 yoshdagi odamlar orasida yo‘g‘on ichak va to‘g‘ri ichak saratoni bilan kasallanish sezilarli darajada oshdi. Shunga o‘xshash tendensiya AQShda ham kuzatilmoqda, bu yerda bu ko‘rsatkich yanada yuqori. Tadqiqotchilar shuningdek, yoshlar orasida suyak iligi saratoni va bachadon saratonining ko‘payganini qayd etishdi, deb xabar berdi Kazinform.
Olimlar ko‘plab bemorlarda xronologik yosh va biologik yosh o‘rtasida sezilarli farq borligini aniqladilar. Xronologik yosh hayot yillari bilan o‘lchansa-da, biologik yosh tananing qanchalik charchaganligini aks ettiradi. Tadqiqotchilarning fikriga ko‘ra, bugungi yoshlarning tanasi oldingi avlodlarnikiga qaraganda tezroq qarishi mumkin.
Tadqiqot mualliflari, shuningdek, hozirgacha biologik qarishning tezlashishi va saraton xavfining ortishi o‘rtasida faqat bog‘liqlik topilganini va ular o‘rtasida to‘g‘ridan to‘g‘ri sabab-oqibat bog‘liqligi isbotlanmaganligini ta’kidlashdi.
Tadqiqotchilardan biri Ron Yaximovichning so‘zlariga ko‘ra, biologik yoshga ta’sir qiluvchi omillarning qariyb yarmi genetika bilan bog‘liq, qolgan yarmiga esa insonning o‘zi ta’sir qilishi mumkin. Muntazam jismoniy faollik, yetarlicha uyqu va muvozanatli ovqatlanish biologik qarishni sekinlashtirishga yordam beradi. Yoshligidan semirish, harakatsizlik va uyqusizlik qarish jarayonini tezlashtiradigan omillar qatoriga kiradi.
