Konferensiya ikki bosqichda oʻtkazildi, birinchi bosqichda talabalar turli yoʻnalishlar boʻyicha seksiyalar sessiyalarida taqdimotlar qilish imkoniyatiga ega boʻldilar, bu yerda universitet mutaxassislari boʻlajak olimlarning ishlarini baholadilar.
Konferensiyaning yalpi majlisini tantanali nutq bilan MTTU “MISIS”ning Olmaliq shahridagi filiali direktori, texnika fanlari doktori, professor F.Umarov ochib berdi.
Ikkinchi bosqichda talabalar interfaol texnologiyalardan foydalangan holda oʻzlarining ilmiy maʼruzalarini izchil taqdim etdi.
Seksiya majlislari quyidagi toʻrtta yoʻnalishda boʻlib oʻtdi:
1) Togʻ-kon sanoatida tabiiy resurslardan oqilona foydalanish va togʻ-kon uskunalarini rivojlantirish istiqbollari.
2) Zamonaviy metallurgiyaning rivojlanish tendensiyalari va istiqbollari. Kelajak materiallarini olish texnologiyasi.
3) Barqaror rivojlanish maqsadlariga erishish uchun axborot texnologiyalari.
4) Matematik modellashtirish va tabiiy fanlar. Muhandislik mutaxassisliklari talabalari uchun zamonaviy taʼlim va ingliz tilini oʻqitish.
Seksiya majlislarida 85 ta maʼruza tinglandi va muhokama qilindi. Filialimizning tobora koʻproq talabalari ilm-fan sohasida oʻz kasblarini topib, ilmiy faoliyatini davom ettirishga qaror qilmoqdalar.
«78chi MISIS MTTU Fan kunlari” doirasida oʻtkazilgan III Yoshlar ilmiy-amaliy konferensiyasida 95 ta ilmiy maʼruza taqdim etildi.
Yalpi va seksiya majlislaridagi taqdimotlar natijalariga koʻra, eng qiziqarli maʼruzalar muallifi boʻlgan 27 nafar talaba 1, 2, 3 darajali diplom va qimmatbaho sovgʻalar bilan taqdirlandi.
