Farg'ona viloyati Oltiariq tumanida 1 noyabr` kuni yo'l harakati xavfsizligi xodimlari tomonidan fuqaro A.G'. boshqaruvida bo'lgan «Mercedes-Benz» avtomobili to'xtatib tekshirilganida 38 million so'mlik pirotexnika vositalarini olib ketayotgani aniqlandi. Bu haqda Yo'l harakati xavfsizligi bosh boshqarmasi matbuot xizmati xabar bermoqda.
Xabarda aytilishicha, avtomobil tekshirilganda 547,2 ming dona pirotexnika vositasi borligi ma'lum bo'lgan. Avtomobil yukxonasida 19 quti «Britanik» va «Treniya» nomli pirotexnika vositasi topilgan.
Mahsulotlar daliliy ashyo tariqasida olinib, tergovoldi tekshiruv harakatlarini o'tkazish uchun Oltiariq tumani ichki ishlar bo'limiga topshirilgan.
