Malaka oshirish kurslari shartnoma asosida Oʻsimliklar karantini va himoyasi agentligining Oʻsimliklar karantini va himoyasi ilmiy-tadqiqot institutida belgilangan oʻquv dasturiga muvofiq tashkil etiladi. Ularning davomiyligi 72 soat boʻladi. Kurslar natijalari boʻyicha elektron shaklda sertifikat rasmiylashtiriladi va uch yil muddatga beriladi.
Qaror bilan quyidagilar belgilandi:
- malaka oshirish kurslari hamda sertifikat berish maqsadi va vazifalari;
- kurslarda oʻqishga hujjat topshirish tartibi;
- malaka oshirish kurslarida taʼlim jarayoni sifatiga qoʻyiladigan asosiy talablar;
- malaka oshirish kurslari tinglovchilarining huquq va majburiyatlari, ularni oʻqishdan chetlatish asoslari;
- oʻqitish yakunida malaka imtihonini oʻtkazish va uning natijalariga koʻra tinglovchilarga sertifikat berish;
- oʻsimliklar himoyasi mutaxassisligi boʻyicha sertifikat berilgan mutaxassislarning davlat reyestrini yuritish qoidalari.
Hujjat Qonun hujjatlari maʼlumotlari milliy bazasida eʼlon qilingan va 11.05.2022-yildan kuchga kirdi.
