Bu haqda Soliq qoʻmitasi maʼlum qildi.

Taʼkidlanishicha, koʻchmas mulk ijara shartnomalarini hisobga qoʻyish «E-ijara" xizmati orqali amalga oshiriladi.

Soliq qoʻmitasi maʼlumotlar bazasidan olingan axborotlarga koʻra, 2023-yilda:

• yuridik shaxslar oʻrtasida 145 mingga yaqin ijara shartnomasi tuzilgan. Ijara toʻlovlarining umumiy miqdori 5,3 trln soʻmni tashkil etgan. Hisoblangan soliqlar esa 561,6 mlrd soʻm.
• jismoniy shaxslar oʻrtasida 386,8 mingta ijara shartnomasi tuzilgan. Ijara toʻlovlarining umumiy miqdori 3,3 trln soʻmni tashkil etdi. Hisoblangan soliqlar 194,8 mlrd soʻm.

Soliq toʻlovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad soligʻidan 44,4 mlrd soʻm imtiyoz qoʻllanilgan.