Ashxobod shahrida “Maxtumquli Firogʻiy” tarixiy badiiy filmi uchun ushbu badiiy kartina bosh rejissyori Muzaffarxon Erkinov va bosh rol ijrochisi Ahmed Amanturdiyevga Turkmaniston Prezidenti Serdar Berdimuhammedov qarori bilan tasdiqlangan “Maxtumquli Firogʻiy” medali topshirildi.
Aytish kerakki, ushbu badiiy film atoqli shoir Maxtumquli Firogʻiy hayoti, ijodi haqida hikoya qilishi bilan ahamiyatli.
Prezidentimiz Shavkat Mirziyoyev tashabbusi asosida Oʻzbekistonda Maxtumquli Firogʻiy tavalludining 300-yilligi keng nishonlandi. Shoir ijodiga bagʻishlangan adabiy anjumanlar, kechalar, badiiy koʻrgazmalar, davra suhbatlari tashkil etildi. Yangi sahna va ekran asarlari yaratildi. Shoir gʻazallariga bastalangan qoʻshiqlar eng sara va dilga yaqin musiqiy asarlar singari xalqimiz qalbidan joy olgan.
Maʼlumot oʻrnida aytish mumkinki, yaqin kunlarda «Maxtumquli Firogʻiy« tarixiy filmining katta taqdimoti Oʻzbekiston Milliy kino sanʼati saroyida oʻtkazilishi rejalashtirilgan.
