Joriy yilgi reytingda 127 ta davlat ishtirok etgan. Reytingda yakuniy ball qanchalik past boʻlsa, mamlakatda toʻyib ovqatlanmaydigan fuqarolar soni shunchalik kam boʻladi. Tadqiqot toʻrtta mezon: 5 yoshgacha boʻlgan bolalarning ozib ketish holatlari, boʻyi oʻsishdan toʻxtashi, oʻlimi va aholining toʻyib ovqatlanmasligi inobatga olinadi.
Reytingda 5 balldan kam toʻplagan 22 ta davlat yetakchilik qildi. Ular qatorida Oʻzbekiston ham bor. Tadqiqot mualliflariga koʻra, Oʻzbekistonda 5 yoshgacha boʻlgan bolalarning 6,5 foizi toʻyib ovqatlanmaslik tufayli boʻy oʻsishidan orqada qolmoqda, 5 yoshgacha boʻlgan bolalarning 2,4 foizi ozgʻin, 1,3 foizi esa besh yoshga toʻlguncha vafot etmoqda.
Markaziy Osiyoning qolgan respublikalari quyidagi oʻrinlarni egalladi:
- Qozogʻiston – 5,3 ball 25-oʻrin;
- Qirgʻiziston – 6,8 ball 36-oʻrin;
- Turkmaniston – 9,5 ball 50-oʻrin;
- Tojikiston – 13,7 ball 65-oʻrin.
Ushbu mamlakatlarning deyarli barchasi ocharchilik darajasi “past” boʻlganlar qatorida, faqat Tojikiston “oʻrtacha” toifada.
Ochlik muammosi boʻlmagan top-10 mamlakat qatoriga Belarus, Bosniya va Gersegovina, Chili, Xitoy, Kosta-Rika, Xorvatiya, Estoniya, Gruziya, Vengriya, Quvayt kiradi. Ocharchilik yuqori davlatlarga Janubiy Sudan, Burundi, Somali, Yaman, Chad kiradi.
