Qozogʻiston Respublikasining “Tajen” (Oʻzbekiston Respublikasining “Dovud ota”) chegara oʻtkazish punkti orqali shaxslar, yengil avtomobillar, avtobuslar hamda ruxsat etilgan toʻliq vazni 3,5 tonnadan oshmaydigan yuk avtomobillari harakati 2025-yil 1-fevral sanasidan boshlab 3 oy muddatga vaqtincha toʻxtatiladi.
Bu haqda Oʻzbekiston Bojxona qoʻmitasi maʼlum qildi.
Qayd etilishicha, mazkur cheklovlar chegara oʻtkazish punktlarida taʼmirlash va jihozlash ishlari olib borilishi munosabati bilan Qozogʻiston Respublikasi tomonidan jismoniy shaxslar va transport vositalarining xavfsizligini taʼminlash maqsadida joriy etilmoqda.
Shu sababli ushbu davr mobaynida “Tajen” (Qozogʻiston) – “Dovut ota” (Oʻzbekiston) chegara oʻtkazish punktlari orqali harakatlanuvchi shaxslar, yengil avtomobillar, avtobuslar hamda ruxsat etilgan toʻliq vazni 3,5 tonnadan oshmaydigan yuk avtomobillari “Yallama”, “Zangiota (Navoiy chegara bojxona posti)«, «Oq oltin” va “Malik” oʻtkazish punktlari orqali harakatlanishlari mumkin.
Shuningdek, jismoniy shaxslar uchun «Qoraqalpogʻiston« temir yoʻl oʻtkazish punkti orqali yoʻlovchi poyezdlari harakatlanishini maʼlum qilindi.
Ruxsat etilgan toʻliq vazni 3,5 tonnadan ortiq boʻlgan yuk avtomobillarining “Tajen” (Qozogʻiston) – “Dovut ota” (Oʻzbekiston) chegara oʻtkazish punkti orqali harakati uzluksiz davom ettiriladi.
