Suhbat chogʻida Afgʻonistondagi mavjud vaziyat, shuningdek, Afgʻoniston yoʻnalishida Oʻzbekiston-Germaniya munosabatlarini rivojlantirish istiqbollari muhokama qilindi.
T.Klinner Afgʻoniston boʻyicha yagona mintaqaviy pozitsiya ishlab chiqish, mamlakatda uzoq muddatli tinchlik va barqarorlik oʻrnatish, afgʻon xalqiga gumanitar yordam koʻrsatish borasidagi Oʻzbekistonning saʼy-harakatlarini yuqori baholadi.
Tomonlar Afgʻonistonda amalga oshirilayotgan transport-kommunikatsiya loyihalari, xususan, “Mozori-Sharif – Kobul – Peshovar” temir yoʻl liniyasi qurilishini ham muhokama qildilar, deb xabar beradi Tashqi ishlar vazirligi matbuot xizmati.