Mazkur hujjat 2019 yil 25 mart kuni O'zbekiston Respublikasi Prezidenti Shavkat Mirzieyovning Birlashgan Arab Amirliklariga rasmiy tashrifi doirasida imzolangan edi.
Bitim bojxona qonunchiligi buzilishining oldini olish, tegishli vaziyatlarda surishtiruv ishlarini olib borish va qoidabuzarliklarga qarshi kurashishda o'zaro yordam ko'rsatish tartibini belgilaydi. Mazkur hujjat doirasida ikki mamlakat bojxona organlari O'zbekiston yoki BAA hududida amaldagi bojxona qonunchiligi buzilishi holatlari to'g'risida yoki shubhali shaxs, tovar yoxud transport vositasi haqida bir-birlariga ma'lumot taqdim etadilar.
Hujjat o'zaro tashqi savdo bo'yicha statistika ma'lumotlarini “ko'zguli statistika” tamoyili bo'yicha ishonchliligini ta'minlash va tovarning bojxona qiymatini nazorat qilish, moddiy-texnik infratuzilmani mustahkamlash va kadrlar malakasini oshirish orqali bojxona ma'muriyatini modernizatsiya qilishga yordam beradi.
O'zbekiston va BAA o'rtasida bojxona bo'yicha hamkorlik to'g'risidagi bitim kuchga kiradi
2020 yilning 14 oktyabr` kuni O'zbekiston Respublikasi va Birlashgan Arab Amirliklari hukumatlari o'rtasida bojxona ishlarida hamkorlik va o'zaro yordam to'g'risidagi Bitim kuchga kiradi. Bu haqda Tashqi ishlar vazirligi matbuot xizmati ma'lum qilgan.
IIV tizimida bir guruh ayol xodimalar rahbarlik lavozimlariga tayinlandi
- Oʻzbekiston – Tojikiston sammiti yakunlandi
- Tojikiston Prezidenti Buxorodagi tarixiy obidalar bilan tanishmoqda
- Nabiyev Shuhratjon Jurabekovichni O‘zbekiston Respublikasining «Do‘stlik» ordeni bilan mukofotlash to‘g‘risida
- Oʻzbekiston va Rossiya yetakchilari ikki tomonlama kun tartibining dolzarb masalalarini muhokama qildilar
- Oʻzbekiston va Tojikiston Prezidentlari zamonaviy toʻqimachilik korxonasiga tashrif buyurdilar